Þjóðhátíðarandi við opnun Costco.

Húsnæði Costco er nánast fokhelt eftir að kaupóðir Íslendingar keyptu allt sem hönd á festi.

Félagi Costco unnanda er kunn­ugt um að í gær höfðu hvorki lík­ams­árás­ir eða nauðganir verið kærðar til lög­reglu eft­ir opnunina í vikunni þrátt fyrir að innkaupakerrur hefðu meðal annars verið af allt of skornum skammti.

„Þessi fjöldi kæru­mála er sérstakt gleðiefni“ seg­ir í til­kynn­ingu frá félaginu. Í kjöl­far opnunarinnar verður sér­stök­um starfs­hópi falið að fara yfir fram­kvæmd­ina og gera til­lög­ur um hvernig efla megi enn frek­ar ör­yggi í Costco og stuðla að hug­ar­fars­breyt­ingu annarra verslunareigenda.

Félag Costco unnenda hef­ur lagt sér­staka áherslu á for­varn­ir gegn kaupæði og að þessu sinni voru um 1000 manns við ör­ygg­is­gæslu í Kauptúni þegar flest var auk lækn­is, sálfræðinga og hjúkr­un­ar­fræðinga. Þá var starf­andi áfallat­eymi í Kauptúni sem stýrt var af fag­menntuðu starfs­fólki. Til að und­ir­strika áherslu á ör­ygg­is­mál­in var at­höfn á þriðju­dags­kvöld þar sem gest­ir, afgreiðslufólk og annað starfs­fólk Costco sýndu með tákn­ræn­um hætti að stjórnlaust kaupæði er ekki liðið, seg­ir í til­kynn­ingu Costco unnenda.

Auk þeirra fjöl­mörgu viðskiptavina sem komu á opnunina, um 1000 ör­ygg­is­varða lögðu hátt í 20.000 sjálf­boðaliðar Costco unnenda lið við fram­kvæmd opnunarinnar. Félag Costco unnenda þakk­ar öllu þessu góða fólki fyr­ir vel unn­in störf á opnuninni. Hreins­un Kauptúns eftir opnunina gekk vel og var henni að mestu lokið á sunnu­dags­kvöld.

Íslenskur almenningur fær egg í dag frá Arion.

Páskaegg og Brúnegg gefin í dag.

01.04.2017 – 9:57
Efnahagsmál · Páskaegg  · Búnaðarbankinn · Brúnegg
Mynd með færslu
 Mynd: Samsett mynd 
Í dag munu helstu lykilmenn í ýmsum fléttum undangenginna ára ásamt eigendum vogunarsjóðanna gefa almenningi Páskaegg og Brúnegg fyrir utan höfuðstöðvar Arion banka í Borgartúni.
Mun auðmaðurinn Al Thani vera staddur á landinu og mun hann ásamt
Mynd með færslu
 

forsvarsmönnum S-hópsins sem samanstóð af Samvinnulífeyrissjóðnum, Vátryggingafélagi Íslands, Eignarhaldsfélaginu Samvinnutryggingum og Eglu, félagi sem Ólafur Ólafsson í Samskipum var í forsvari fyrir og var sagt í 50% eigu þýska bankans Hauck & Aufhäuser hafa eignast allar birgðir Brúneggja sem munu verða gefnar íslenskum almenningi í þakklætisskyni.

Einnig verða raunverulegir eigandur aflandsfélagsins Welling & Partners sem skráð er á Tortóla á Bresku-Jómfrúaeyjum á staðnum og gefa páskaegg og brúnegg.

Eina staðfesta myndin sem fundist hefur af Sheikh Mohammed Bin Khalifa Al Thani. Skjáskot af: https://web.archive.org/web/20141102013546/http://www.al-saddclub.com/EN/Club/Pages/Board-of-Directors.aspx

Þetta er ekki eina skiptið sem Ólafur Ólafsson, Hreiðar Már Sigurðsson, fyrrum bankastjóri Kaupþings, Sigurður Einarsson, sem var stjórnarformaður Kaupþings, Magnús Guðmundsson, sem var bankastjóri Kaupþings í Lúxemborg gefa egg.

Mynd með færslu
 

 Forsvarsmenn Marine Choice Limited, sem var skráð á Tortóla á Bresku-Jómfrúaeyjum ásamt raunverulegum eigendum Welling & Partners verða einnig á staðnum að gefa egg.

Óhagsýnar húsmæður á þingi?

Benedikt Jóhannesson, fjármála- og efnahagsráðherra hefur beðist afsökunar að kalla þær þingkonur sem tóku þátt í umræðum um verklag við opinber fjarmál á Alþingi „hagsýnar húsmæður“.

Bjarkey Olsen Gunnarsdóttir, þingkona Vinstri grænna, gagnrýndi ummæli Benedikts og sagði slíka orðanotkun vera óeðlilega.

Má þá skilja að fremur ætti að tala um óhagsýni? Það gæti kannski útskýrt ýmislegt sem ekki er hægt að fara út í í pistli þessum.

Hin Hagsýna húsmóðir var himnasending jafnt í guðlegum musterum sem í lágreistumum hreysum fyrri alda en nú er öldin önnur eða hvað?

Hin Hagsýna húsmóðir var himnasending jafnt í guðlegum musterum sem í lágreistumum hreysum fyrri alda.

Fyrstu vorboðar ársins.

Fyrstu hjólreiðahrottar ársins sáust í vikunni á Höfuðborgarsvæðinu núna í fyrstu viku febrúar og má því segja að vorið sé á næsta leiti.

Hinir svokölluðu hjólreiðahrottar sáust fyrst fljótlega eftir fjármálahrunið árið 2008. Hjólreiðahrottarnir eru yfirleitt skærlitir og sjást best þegar þeir stunda lágflug eftir helstu umferðaræðum.

Hjólreiðahrottarnir eru af furðufuglaætt og hefur tegundin sem er á stærð við meðalmann verið í lægð undanfarin misseri þrátt fyrir þrengingar gatna, upphækkanir og almennar hindranir almennrar umferðar þar sem hrottarnir hafa stundað stjórnlaust lágflug sitt. Hafa sjúkraflutningamenn haft í nógu að snúast á degi hverjum og er nú áformað að lækka hraða almennrar umferðar vestan Kringlumýrarbrautar um 10 KM/klst til að reyna að viðhalda stofninum.

Hefðbundinn Hrotti

Hjólreiðahrottum þykir líkja til venjulegs reiðhjólafólks en eru þó auðþekktir á skæru litunum, stjórnlausu lágfluginu óháð almennri umferð og bendingum til almennrar umferðar sem þykja líkjast miður kurteislegum merkjasendingum óharðnaðra ungmenna.

 

Arðgreiðslur djöfulsins.

Gul Frétt.

seðlar001
Sýnishorn af arðgreiðslum djöfulsins.

Nú fer að hitna í Helvíti því Borgun hyggst greiða 2,2 milljarða í arð á þessu ári.
Með því mun eigendum Borgunar hafa verið greiddir þrír milljarðar í arð síðan Landsbankinn seldi 31,2 prósenta hlut í Borgun á sprenghlægilega 2,2 milljarða til hóps fjárfesta og stjórnenda Borgunar í nóvember 2014. Arðgreiðslan í fyrra nam 800 milljónum og var sú fyrsta frá árinu 2007 og kemur kaupverðið því margfalt til baka á einungis nokkrum mánuðum.

Arðgreiðslur til hópsins sem keypti hlut Landsbankans í Borgun mun í þetta skiptið verða notaður til að kaupa sjálfan bankann með húð og hári og dettur ýmsum í hug sagan um eggið og hænuna. Greiðslan mun verða fyrsta greiðsla upp í ímyndað kaupverð sem verður svo aldrei greitt svipað og gert var í frægum viðskiptum með Olís, Símann, Landsbankann fyrir hrun og öðrum viðlíka viðskiptum sem aldrei hafa komið upp á borð hjá almenningi.

Hópurinn sem samanstendur af leppum frægra aðila á Íslandi sem allir eru með stóra reikninga á aflandseyjum mun einnig fá arðgreiðslur út úr tryggingafélögunum og nota þær greiðslur sem fyrstu útborgun í öðrum félögum sem koma þessa dagana frá hrægammasjóðunum og verða að komast úr söluferli  fyrir kosningarnar í haust svo réttu aðilarnir fái eignarhaldið upp í hendurnar í hinum ýmsu tegundum sýndarviðskipta.

Auðvitað er þessi frétt að stærstum hluta svokölluð „Gul frétt“ og einstök atriði koma beint út úr Samsæriskenningabankanum. En ef allt í fréttinni ætti við rök að styðjast  væri fréttin að sjálfsögðu um hreint og beint samsæri gegn Íslensku þjóðinni.

Hjólreiðahrottar

borgarstjori001
Borgarstjórinn á Grensásvegi?

Enn berast fréttir af hrottafengnum hjólreiðum þegar hjólreiðahrotti reyndi að aka niður saklaust smábarn sem tók of mikið pláss á göngustígnum að mati hrottans sem var sennilega að keppast við að vera skemmri tíma á leið í vinnu en félagarnir sem enn notast við bílana sína.

Því miður virðist reiðhjólafólk á Íslandi vera í þeirri stöðu að vera hálfgerðir gestir í umferðinni.

Ekki er almennt gert ráð fyrir þeim hvorki á akreinum eða á gangstéttum en þeir fá þó að vera á báðum stöðum ef þeir fara að settum reglum.

Ég sem Íslendingur dauðskammast mín fyrir þá aðstöðu og þær umferðarreglur sem hjólreiðafólki er almennt boðið upp á og dauðvorkenni t.d. ferðamönnum sem koma hingað til lands á reiðhjólum og sérstaklega er hræðilegt að horfa upp á það þegar þeir reyna að hjóla á 80-90 km/klst götum með börnin sín innan um trukka og misviturt fólk sem er hugsanlega að mála sig eða á kafi í símaskilaboðum undir stýri.

Ekki færi ég með börnin mín út í þessar aðstæður og ekki dytti mér í hug að hjóla í umferðinni. Stóru grettistaki þarf að lyfta til að koma reiðhjólafólki í viðunandi aðstæður. Í villta vestrinu voru fangar notaðir þegar þurfti að gera átak í lestarsamgöngum. Getum við ekki gert sambærilegt átak í reiðhjólasamgöngum og sparað í leiðinni mikla fjármuni í fangelsisbyggingum?

Nýlegar tölur um alvarleg slys á gangandi og hjólreiðafólki sýna margföldun á síðustu árum og eru þær tölur þó að öllum líkindum vanmetnar.

Grundvöllur góðrar umferðarmenningar er tillitssemi og aftur tillitssemi – og eru gangandi og hjólandi ekki undanskyldir.

Nýlegir upphækkunargjörningar varðandi gangandi og hjólandi umferð eru skref í rétta átt en taka þó ekki til þess að sú umferð þarf einnig sama aðhald og sú akandi.

Í starfi mínu sem atvinnubílstjóri hef ég orðið töluvert mikið var við að gangandi og hjólandi vegfarendur ani hugsunarlaust út á akrein þar sem þessar upphækkanir eru og er það miður. Verði hönnun umferðarmannvirkja til þess að einhverjir hlutar vegfarenda hætti að sýna nauðsynlega tillitsemi og aðgæslu varðandi aðra hluta umferðar er betra heima setið en af stað farið.

Þess háttar hönnun á hugsanlega einhvern þátt í því að slysum á þeim flokki sem mannvirkin eru gerð fyrir það er að segja gangandi og hjólandi – margfaldast á hverju ári eins og kom fram í fréttum nýlega.

Nýlega fékk ég undirritaður far með sjúkrabifreið. Þegar farið var yfir eina af áðurnefndum upphækkunum gantaðist ég með að hjólreiðafólkið yrði nú að hafa allt slétt og við gætum nú alveg hossast svoldið í sjúkrabílunum. Í kjölfarið á þessari athugasemd upplýsti sjúkraflutningamaðurinn mig í smáatriðum um það að þeir færu minnst eina ferð hvern einasta dag ársins að sækja fólk eftir reiðhjólaslys og að þessi slys væru fæst sundurliðuð á skýrslum sem reiðhjólaslys.

Þau stjórnvöld sem hyggjast sækja atkvæði í vasa hjólreiðafólks með vanhugsuðum mannvirkjagjörningum ættu að hugsa sinn gang því ef fram fer sem horfir verður flest allt hjólreiðafólk liggjandi inni á spítala og greiðir einhverjum allt öðrum atkvæði sitt. Kannski þeim sem lofar öllu fögru varðandi heilbrigðiskerfið og öryrkja.

B Kristinsson.

Aflandskrónur til Almennings.

1. Apríl 2016.

Í ljósi niðurstaðna skoðanakannana er ljóst að taka verður til róttækra aðgerða.

seðlar001
Það styttist í kosningar.

Þingflokkur Samfylkingar hefur samþykkt að þeir sem skrá sig í flokkinn í dag fái hlutdeild í bæði vöxtum og skattaávinningi þeirra fjölmörgu þingmanna og áhrifamanna í flokknum sem eiga reikninga á aflandsreikningum. Skorar þingflokkurinn á aðra þingflokka að gera slíkt hið sama enda eru þessir milljarðar á þessum aflandsreikningum að mestu tilkomnir vegna eiginhagsmunapots og vinahygli sem ástunduð er í flestum fjórflokkunum. 

“Við höfum verið með minna en 10% fylgi í öllum skoðanakönnunum þannig að það er til mikils að vinna að geta setið áfram við kjötkatlana” segir núverandi formaðurinn vígreifur “Við munum skipta 5% af þessum ávinningi jafnt milli þeirra sem skrá sig í flokkinn í dag sem virðist ekki há tala en þar sem um gríðarlega marga milljarða er að ræða gætu upphæðirnar skipt sköpum fyrir þá lægst launuðu og þá sem lent hafa illa í breyttum lyfjakostnaði sem við náðum í gegn með naumindum á síðustu klukkustundum síðasta kjörtímabils okkar að ógleymdum þeim skuldurum sem lentu í hinum margfrægu ÁrnaPálslögum. Einnig höfum við beint þeim tilmælum inn í borgarstjórn að þeir sem skrái sig í flokkinn í dag fái gert við eina malbiksholu að eigin vali. Við ætlum að sýna í verki í einn dag að kjósendur skipta okkur máli.”

Reiðhjól skemmdist vegna holu!!!

holur
Embættismenn borgarinnar munu sjálfir lagfæra vesalings reiðhjólið.

Fyrsta skemmd á reiðhjóli vegna holu í slitlagi var tilkynnt sl. miðvikudag.

Borgarstjóri kallaði út allan tiltækan mannafla í holuviðgerðir eftir að fyrsta skemmdin á reiðhjóli var tilkynnt.

Í samtali við Gulu Pressuna sagði borgarstjóri að vesalings maðurinn hafi verið að taka sveig framhjá bíl sem skilinn hafði verið eftir með ónýt dekk og felgur. Sá hafði ekið í ótilkynnta holu og svoleiðis kæmi þeim ekkert við.

Reiðhjólaeigandinn fékk frítt far með einkabílstjóra borgarstjóra meðan reiðhjólið fær allsherjar yfirhalningu í boði borgarsjóðar.

 

Lokað vegna Ófærðar!!! – Opið bréf til Vegagerðarinnar.

Ég get ekki orða bundist yfir spillingunni sem er farin að viðgangast milli ríkisstofnana án minnstu athugasemda. Núna er mælirinn fullur og mig langar mest að fara beint í Vigdísi Hauks eða Ríkisendurskoðun og láta fara fram opinbera rannsókn.

Í gamla daga var ekkert verið að loka vegum þegar Dallas var á dagskrá í RUV. Það var heldur ekkert verið að loka þegar Bonansa var á dagskrá.  Það hefði kannski virkilega þurft að loka vegum þegar fólk keyrði tárvotum augum og hálf blint um vegi landsins eftir að hafa horft á Grenjað á gresjunni en það var ekki gert.

dallas001
Það er ekki sama séra Dallas eða séra Ófærð.

Svo núna allt í einu þegar RUV kemur með einhvern smá heimatilbúinn þátt frá Siglufirði þá kemur allt í einu í ljós í morgunfréttum að ástæðan fyrir engri umferð er að víða var lokað vegna Ófærðar. Og það á háannatíma þegar allir túristarnir eru að prufa GPS dæmið.

Hvaða tök hefur RUV á Vegagerðinni spyr sá sem ekki veit?

 

Hjólalyfta á Grensásvegi.

GUL FRÉTT.

holur002
Drónaloftbelgir í þúsundatali minnka skaðabótaskyldu.

Samgöngumál.

Varið verður um 120 milljónum í að mjókka Grensásveg ásamt því sem hjólalyfta verður sett upp fyrir reiðhjólafólk sem nennir ekki að hjóla upp götuna sem þykir full brött.

Einnig verða sett upp fuglahúsin frá Hofsvallagötunni og sérstakar hraðamyndavélar á hjólandi umferð niður Grensásveg. Sektir verða nýttar í fuglafóður.

Einnig verður sett upp biðstöð sjúkrabifreiða við gatnamótin við Miklubraut enda búist við mikilli og stjórnlausri umferð reiðhjóla niður Grensásveginn með tilheyrandi slysum en þau eru nú þegar eitt á dag víðsvegar um borgina við manngerðar slysagildrur að sögn sjúkraflutningamanna. Að sögn Borgarstjóra er planið að færa alvarlegu reiðhjólaslysin á einn stað.

Einnig er fyrirhugað að setja niður holueftirlíkingar á helstu umferðaræðar ættaðar frá Kópavogi áttuna áratugarins líkt og sl. vetur.

Verið er að skoða drónaloftbelgi sem vara við holóttum vegi til að minnka skaðabótaskyldu. Verða þeir notaðir í þúsundatali ef af verður.

Meirihlutinn boðar enn frekari samgöngubætur og lýsir eftir hugmyndum.