Basúkkuárás í Ármúlanum

indexGríðarlega mikið ský peningaseðla þyrlaðist upp eftir að bandbrjálaður viðskiptavinur skaut með einskonar Basúkku á nýuppgert  húsnæði Lýsingar við Ármúla 1. Lögreglan hefur lokað af svæðinu en enginn mun hafa slasast enda árásin gerð rétt eftir lokun.

Að sögn lögreglunnar mun maðurinn hafa skotið á efri hæðir byggingarinnar með Basúkku en byggingin sem er öll úr gleri mun hafa verið full af þeim peningum sem viðskiptavinir hafa verið að greiða vegna þeirra lána sem styr hefur staðið um og mun vera um 7-800 milljónir í 5000 og 10.000 króna seðlum eftir því sem talsmaður lögreglunnar telur.

Mun peningana leggja yfir húsnæði Nova sem er beint í vesturátt. Að sögn Veðurstofunnar er ekki von á að vindátt breytist fyrr en um kvöldmatarleytið.

Svæðið hefur verið girt af en lögreglan hleypir þó þeim inn á svæðið sem geta framvísað greiðsluseðlum frá Lýsingu varðandi ólögleg gengislán enda gríðarlegt verk að hreinsa upp peningamagnið.

Myndir af vettvangi eru væntanlegar.

BKristinsson.

 

 

Skildu eftir svar

Netfang þitt verður ekki birt. Nauðsynlegir reitir eru merktir *