Barátta góðs og ills hafin

Ljósmæður – sjálfir ljósberar alls mannkyns eru nú í harðri baráttu við hinn illa Svarthöfða – Bjarna Ben, samninganefnd Íslenska Ríkisins, fyrrum sérsveitarmenn Kjararáðs, menntamálaráðherra og fleiri valinkunna aðila.

Svarthöfðinn Icehot1 búktalar framvegis fyrir Kötu Jak.

Að sögn Bjarna Ben finnst Katrínu Jak fullkomlega eðlilegt að svokallaðar kvennastéttir til dæmis lækki í launum við aukna menntun en Bjarni hefur nú tekið að sér að „búktala“ fyrir Katrínu. Einnig segir Bjarni að Katrínu finnist augljóst að þjóðfélagið fari á hliðina fái kvennastéttir brotabrot af þeim hækkunum sem fráfarandi sérsveit Kjararáðs úthlutaði t.d. Alþingismönnum og ráðherrum.

Þjóðin virðist hafa skipst í 2 fylkingar í deilunni. Annars vegar elskaðasta og fallegasta stétt landsins ásamt öllum almenningi Íslands og hins vegar Svarthöfðunum í samninganefnd Ríkisins ásamt Bjarna Ben Fjármálaráðherra, Katrínu Jak Forsætisráðherra og Lilju Alfreðs menntamálaráðherra en Lilja hefur sagt að fullkomlega eðlilegt sé að aukin núverandi menntun skili lægri eða engum tekjum til viðkomandi en eins og kunnugt er voru Ljósmæður í refsingarskyni látnar vinna í stórum stíl án endurgjalds í síðasta verkfalli…“ og „Auðvitað eiga allir að lækka í launum við aukna menntun enda er núverandi menntastefna algerlega galin. Til dæmis er hvergi í öllu ferlinu frá 6 ára bekk upp í doktorsgráðu í Háskóla, ekki einn einasti bókstafur um milljarða brask, afskriftir eða sölsun ríkiseigna til sjálfs síns eða frændmenna sinna líkt og fámennur hópur stundaði í aðdraganda hrunsins og aftur síðustu misseri.“ að sögn Lilju.

Þess skal getið að ekki náðist í neina aðila við vinnslu fréttarinnar og er fréttin því vonandi 100% svokölluð „FAKE NEWS“.

Stuðningsaðilum Ljósmæðra er bent á undirskriftasöfnun sem finna má HÉR: