Strætó tæmdi miðbæinn „algerlega“ fyrir mistök.

Frá miðbæ Reykjavíkur eftir mistök Strætó.

Við nýja tæmingaráætlun Strætó urðu þau leiðu mistök að lokinni annars vel heppnaðri Menningarnótt að nokkrir bílstjórar Strætó sem fengnir voru í gegn um starfsmannaleigu sem skráð er í gömlu Sovietríkjunum tæmdu miðbæ Reykjavíkur – alveg.

Mistökin uppgötvuðust þegar Dagur B. Eggertsson vaknaði í húsi sínu á athafnasvæði Strætó á Hesthálsi. Jóhannes Rúnarsson framkvæmdastjóri Strætó bs. segir ljóst að Dagur og félagar tilheyri ekki lengur 101 elítunni þannig að atvikið verði vonandi til happs fyrir íbúa úthverfanna sem Borgarstjórinn tilheyri nú óneitanlega eftir þessa óvæntu uppákomu auk þess sem Árbæjarsafn sé í ágætu göngufæri fyrir nýja íbúa hverfisins.

Þjóðskrá Íslands hefur kallað út auka starfsfólk til að uppfæra póstnúmer fyrrum íbúa 101 Reykjavík þannig að sem minnst óþægindi skapist fyrir nýja íbúa athafnasvæðis Strætó.

Hús Borgarstjórans á athafnasvæði Strætó. Ekki 101 dæmi lengur.