Völvuspá 2019

Völvuspá 2019 – Viðsnúningur framundan

Eldgosaveðrið í byrjun árs mun standa undir nafni og munu helstu eldfjöll landsins sjá um að massa landið upp eftir töluverðan átroðning ferðamanna síðastliðin ár. Munu þau hefja verkið í austri og halda til vesturs eftir því sem líður á árið og enda í hafinu vestur af Reykjanesi. Mun landið verða heitasta ferðamannalandið í lok árs.

Heitasta ferðamannalandið.
Íslenskt næturlíf tekur breytingum
Norðurljósin og miðnætursólin verða í aðalhlutverki þegar klukkunni verður breytt um 12 klukkustundir. Einfaldasta klukkubreyting heimssögunnar og sú almagnaðasta segir heimspressan. AM verður PM og öfugt og hin stórfenglegu undur á fyrrum næturhimninum verða daglegt brauð. Forvitnum ferðamönnum um gjörninginn stórfjölgar á nýjan leik og hótelrými og AirBNB stútfyllast ásamt ríkissjóði.
Blóðugar deilur skapast þó á Alþingi um það hvort klukkunni hafi verið flýtt eða henni seinkað.

AM verður PM

Salernismál ferðamanna
Ígræðslur saurpoka og þvagleggja á alla ferðamenn sem berast til landsins verður tekin upp. Ekki verður því frekari þörf á salernum eða umhirðu þeirra. Fjármunir ekki að sparast enda nánast hvergi WC aðstaða til staðar hvort eð er segir Ráðherra ferðamála.

WC vesen úr sögunni.

Nafni WOW breytt.
Nafni WOW verður breytt í MOM enda hefur flugrekstur WOW verið hálfpartinn á hvolfi meiri part ársins 2018. Eftirleiðis verður ókeypis með töskur.

WOW verður MOM

Grensásvegur
Dagur borgarstjóri gerir leynisamning við leikara Borgarleikhússins um að hjóla upp og niður Grensásveginn.

Dagur liðkar fyrir leikara á uppleið.

Umferðarbylgjur.
Svokallaðar rauðar bylgjur hins leynilega Borgarlínuhóps verður breytt aftur í grænar bylgjur þannig að ökumenn geta eftir breytingar ekið langar leiðir á móti grænum umferðarljósum í stað þess að stöðva sífellt á móti rauðu með tilheyrandi umferðartöfum og mengun. Eftir að umferðarteppur tilheyra sögunni verður Borgarlínuverkefnið blásið af.

Rauða bylgjan aflögð.

Kjarasamningar verða barn sín tíma og mun fyrrum Kjararáð taka yfir Verkalýðsfélögin í landinu.

Gríðarlegar launahækkanir.

Facebook International – FBI – skrásetur alla heimsbyggðina í lok árs og lýkur þar með hinu 2019 ára gömlu verki sem varð á sínum tíma til þess að öll gistihús voru upptekin og María og Jósep gistu í fjárhúsi á slæmu augnabliki.
Mun mannkyn heimsbyggðarinnar teljast alls 8.499.578.228.811 einstaklingar af eftirfarandi kynjum: Hefðbundnir Karlmenn 2.106.252.982.992 – Hefðbundnar Konur 2.285.945.198.549 – Transfólk 1.733.074.938 – Intersex 1.958.574.849 – Outersex 2.559.686.449 – Havingsex 6.069.690.666 – Óákveðnir 5.560.833.884

FBI – Facebook International skrásetur heimsbyggðina.

Alþingisbruggklúbburinn slær í gegn
Eftir skandalinn á Klausturbarnum lætur Áslaug Arna drauminn rætast og stofnar Alþingisbruggklúbbinn. Þar verða þeir Brynjar Níelsson og heimsfrægi Klausturbars hópurinn fremst í flokki og munu fylleríissöngvarnir og sviðsframkoma meðlima vekja eftirtekt út fyrir landsteinana.

Engin blávötn á Alþingi.
Katrín skiptir um nafn flokksins
Formaður Vinstri grænna mun  skipta um nafn á hreyfingunni á árinu. Mun hreyfingin svara nafninu „Ósjálfstæðisflokkurinn – Hægri svartur kolareykur” eftir breytingar.
Kolabrennsla á Bakka eftir forskrift Steingrims J.

Meiri Stjórnmál
Snemma á árinu kemur í ljós að ríkisstjórn Katrínar Jakobsdóttur hefur 247% þjóðarinnar á móti sér því 75% þjóðarinnar kaus ekki Sjálfstæðisflokkinn, 83% kaus ekki Vinstri græna og 89% kaus ekki Framsókn.

247% á móti.

Meira af Alþingi. Bílastyrkur Alþingismanna verður aflagður og þess í stað samið við Skutlarana sem er alræmd grúbba á Facebook sem selur aðallega ungmennum banvænt lyfseðilskylt stöff ásamt bjór og áfengi í skjóli þess að um ólöglega leigubílastarfsemi sé að ræða. Einnig verður í kjölfarið stofnuð Facebookgrúbba varðandi ólöglegan flugrekstur og dópsölu réttindalausra bíl- og flugstjóra sem Alþingi gerir umsvifalaust samning við. Eftirliti Lögreglunnar og Samgöngustofu af ólöglegum farþegaflutningum á lofti, láði sem og legi verður endanlega aflagt í kjölfarið.

malaysia_airlines_boeing_
Skutlararnir – Flugdeild

Inga Sæland mun rassskella Þingheima þar til þingið verður óvænt leyst upp í byrjun desember eftir að gæsun vinkvennahóps fór úr böndunum. í gríni var gæsin látin þýða og senda frumsaminn texta á hinum ýmsustu tungumálum á ansi óheppilegar alþjóðastofnanir.  Grín „Gæsarinnar“ hljómar á eftirfarandi hátt á einu Norðurlandamálanna: „S.O.S. Mayday! Vi er her et par piger på den verdensberømte Klausturbar til at Goose en af oss.
Vi troede, vi havde nået en optagelse af Islands statsminister at forveksle dette med unbrakonøgle (sexkænt) IKEA har med Islands finansminister Icehot1 og 4 andre
men det viste sig, at vores telefon var tør for batteri, så vi ikke har nogen optagelse.
Icehot1 har taget Islands statsminister til privatbrug men Islands finansminister – Icehot1 – ser ud til at have været involveret i større større insiderhandel på grundlag af en nyhedsrapport, som i mange år var forbudt på anmodning fra Engey-folket, men Island ser ud til at være Engey-folke koloni efter 100 års frihed fra Danmark. Hjælp – Kom og red os„.
Þegar í stað er sent mikið fjölþjóðlegt herlið til landsins sem leysir nýju stjórnarskránna úr gíslingu alræmdra Alþingismanna og verður boðað til kosninga 31. des.

Gæsun á klausturbarnum fer úr böndunum.

Desember í desember 2019 verður síðasti mánuðurinn í víðtækari merkingu en áður.

Enginn heimsendir samt.