Menntamálaráðherra ver samninganefndina

Menntun er stórlega ofmetin segir Lilja Alfreðsdóttir menntamálaráðherra vegna deilu Ljósmæðra við samninganefnd Íslenska Ríkisins.

„Auðvitað eiga allir að lækka í launum við aukna menntun enda er núverandi menntastefna algerlega galin. Til dæmis er hvergi í öllu ferlinu frá 6 ára bekk upp í doktorsgráðu í Háskóla, ekki einn einasti bókstafur um milljarða brask eða afskriftir eða sölsun ríkiseigna til sjálfs síns eða frændmenna sinna líkt og fámennur hópur stundaði í aðdraganda hrunsins og aftur síðustu misseri. Það er því fullkomlega eðlilegt að aukin núverandi menntun skili lægri eða engum tekjum til viðkomandi en eins og kunnugt er voru Ljósmæður í refsingarskyni látnar vinna í stórum stíl án endurgjalds í síðasta verkfalli“ að sögn Lilju Alfreðsdóttur Menntamálaráðherra.

Þess skal getið að ekki náðist í Lilju við vinnslu fréttarinnar og er fréttin því vonandi 100% svokölluð „FAKE NEWS“.

Stuðningsaðilum Ljósmæðra er bent á undirskriftasöfnun sem finna má HÉR:

Storkar styðja Ljósmæður

Alþjóðasamtök Storka lýsa yfir fullum stuðningi við Ljósmæður.

Hafa samtökin beint þeim tilmælum til þeirra Storka sem lagt hafa af stað með börn að fljúga norður á bóginn og finna foreldra þar. Fólki sem hyggst á barneignir ætti því að leita norður í land þar til semst við Ljósmæður.

„Eins og alþjóð veit standa Ljósmæður í harðri kjarabaráttu við Íslenska ríkið til að fá viðurkennda menntun sína og ábyrgð. Það er ekkert eðlilegt við það að lækka í launum við aukna menntun og ábyrgð. Við megum ekki Storka örlögunum og missa þessa dýrmætu starfskrafta úr stéttinni, framtíðin er of mikils virði. Við krefjumst þess að gengið sé að kröfum þeirra STRAX! Það má engan tíma missa! Við Storkar styðjum ljósmæður og látum ekki bjóða þeim þessi vinnubrögð af hálfu Íslenska ríkisins og samningarnefndar þess. Við krefjumst þess að samið sé við þessa dýrmætu og mikilvægu stétt í samræmi við menntun þeirra og ábyrgð!“ , segir í tilkynningu frá Alþjóðasamtökum Storka.

Stuðningsaðilum Ljósmæðra er bent á undirskriftasöfnun sem finna má HÉR:

Stækkaðar golfholur í RVK

Holuhjálmar hinn margfrægi hefur nú flutt sig um set innan stjórnkerfis Reykjavíkurborgar og er nú aðalmaður í Menningar-, íþrótta- og tómstundaráði.

Má því nú búast við að gatnakerfið verði holulaust næstu árin en Holuhjálmar hefur tekið til óspiltra málanna við að stækka holur allra golfvalla innan borgarmarkanna og mun stærstur hluti nýrra lánveitinga til Reykjavíkurborgar renna til málaflokksins.

Korpúlfsstaðavöllur er nú einnar holu völlur og næstum fullkominn að mati Holuhjálmars

Ofurtölva Veðurstofunnar og rigningin

17. júní ár hvert grætur Ísland vegna vaxtaokurs og verðtryggingar húsnæðislána . Til samanburðar eru 1-2% vextir á húsnæðislánum í Danmörku og engin verðtrygging. Hver man eftir rigningarlausum 17. júní? – ENGINN!!!
Hin nýja ofurtölva Veðurstofunnar hefur reiknað út að rigningarnar á suðvesturhorni Íslands eru einnig af sömu völdum og eru einstaklega þrálátar um þessar mundir vegna 100 ára fullveldisafmælis Íslands í ár enda værum við með 1-2% vexti og laus við verðtrygginguna væri landið enn undir stjórn Dana.
Afskiptalaus aðkoma Vogunarsjóða inn í Íslenska bankakerfið í gegn um t.d. Arion banka eykur einnig umtalsvert á grát landsins og þar af leiðandi rigningarnar.

Ísland grætur 17. júní ár hvert vegna vaxtaokurs, verðtryggingar og vogunarsjóða á Íslandi

Veðurstofa Íslands, Danska veðurstofan (DMI) og Hagstofur Íslands og Danmerkur vinna í sameiningu að vinnslu á hinni nýju ofurtölvu, Cray XC30. Þetta er í fyrsta sinn sem Cray ofurtölva er samtengd við veður- og hagstofur en Cray hefur verið leiðandi fyrirtæki við gerð ofurtölva í 45 ár.

Tölvan er í eigu DMI, staðsett í húsnæði Veðurstofunnar og afurðirnar samnýttar af öllum aðilum. Cray XC30 notar yfir 20 sinnum meiri orku en allt tölvukerfi Veðurstofunnar. Hún þrefaldar reiknigetu DMI og notar að allt að 400 kW af rafmagni sem hefði gert rekstur hennar mun dýrari væri hún staðsett í Danmörku. Full uppsett mun hún geta framkvæmt 700.000 milljarða reikniaðgerða á hverri sekúndu eða 700 TFLOPS. Örgjörvarnir eru af gerðinni Intel Xeon með samtals um 24 þúsund tölvukjörnum (e. cores).

Samningurinn um sameiginlega nýtingu veitir Veðurstofunum og Hagstofunum aukin tækifæri á sviði loftslagsrannsókna við þróun spálíkana og gerð hagtíðinda. Aukið aðgengi að gögnum mun efla rannsóknir, jafnt á fortíðarloftslagi sem framtíðarsviðsmyndum loftslags og hagtíðinda og er þess vænst að stofnanirnar muni eiga samstarf um bæði loftslagsmál og hagræna útreikninga á norðurslóðum.

Veðurstofan ávítt af jafnréttisráði vegna dýraauglýsingar

Jafnréttisráð hefur ávítt Veðurstofuna vegna kyngreinanlegrar auglýsingar sem birtist í helstu dagblöðum um helgina.

Veðurstofan óskar í auglýsingunni eftir einu eintaki af hryssu og hesti, ær og sauð, hundi og tík, fress og læðu, gelti og gyltu, kýr og nauti, kana og kænu, tarfi og kú, hagamúsum og húsamúsum af báðum kynjum. Að sama skapi óskast refir og minkar af báðum kynjum og svo framvegis.

Í áliti Jafnréttisráðs kemur fram að einungis sé talað um karl og kvenkyn en hvorki samkyn eða transkyn. Veðurstofunni ber einnig að breyta merkingum á salernum í samræmi við úrskurðinn.

Veðurstofustjóri segis hafa litlar áhyggjur af úrskurði jafnréttisráðs enda hafi Veðurstofan fengið í gegn sérstaka undanþágu frá byggingarreglugerðum vegna nýbyggingar á lóð veðurstofunnar sem Dagur B. Eggertsson Borgarstjóri tók skóflustungu af á vormánuðum 2018 og að málið leysist af sjálfu sér.

Áætlað er að vinna við nýbygginguna taki ekki meira en 40 daga og 40 nætur.

Veðurstofustjóri við nýbyggingu á lóð Veðurstofunnar

 

Vísitala sjálftökulauna.

Alheimssátt um drög að nýjum kjarasamningum?
Náðst hefur sátt um  drög að tímamótasamkomulagi um nýja kjarasamninga milli allra helstu samninganefnda innanlands sem utan. Einnig hafa forsvarsmenn frá öðrum stjörnukerfum skoðað alvarlega að taka drög samkomulagsins til skoðunar.
 Helstu atriði samkomulagsdraganna eru eftirfarandi:
  • Reiknuð verði út Vísitala Sjálftökulauna þar sem meðalhækkun launa svokallaðra sjálftökuaðila verði tekin til grundvallar hækkun launa allra almennra launþega.  Til sjálftökuaðila teljast til dæmis Alþingismenn, stjórnarmenn í Lífeyrissjóðum, bönkum og alþýðusamtökum auk hinna ýmsu forstjóra og forstöðumanna.
  • Samningstíminn er ótilgreindur og gildir hann afturvirkt frá og með 1. nóvember 2008. Þetta þýðir á mannamáli að starfsmenn munu fá leiðréttingu á sínum launum aftur til 1. nóvember 2008 síðastliðins á grundvelli hinnar nýju vísitölu.
  • Desemberuppbót verði Arðgreiðslur upp á 50 – 200 milljónir eftir starfsaldri.
  • Lágmarkslaun verða samsvarandi upphæð og nemur dagpeningum Alþingismanna.
  • Viðvaningavæðing verði færð inn í öll þrep með sérstöku samkomulagi og framlag í starfsmenntasjóði starfsmanna verði því afnumið.
  • Gerðar verða breytingar á reglum um ráðningarsamninga. Jeppi verði hluti af öllum nýjum ráðningarsamningum.
Þetta eru helstu atriði samningsdraganna en þar sem samningsdrögin eru nokkuð flókinn þá hvetur formaður landsmenn til að kynna sér vel innihald þeirra. Kynningargögn verða birt hér á næstu vikum ásamt gögnum varðandi útreikning hinnar nýju vísitölu. Einnig munu verða kynningarfundir sem auglýstir verða síðar.
Fyrirspurnum frá öllu sólkerfinu rignir yfir samninganefndirnar.
Enn og aftur hvetur formaður Samninganefndar Landvætta Ríkisins, landsmenn alla til að fá nánari útskýringar á þessum samningsdrögum hjá sínu stéttarfélagi.

Hægri svartur kolareykur – Áður Vinstri Grænir.

Tæknideild RÚV íhugar að lagfæra mikið magn efnis síðustu 15 ára.
Komið hefur í ljós við samanburð og vettvangsrannsóknir að hljóð og mynd hafa aldrei farið saman í neinum viðtölum við liðsmenn Vinstri grænna síðustu áratuga.

Skýrir það hugsanlega hve vel stjórnarmyndunarviðræðurnar gengu á sínum tíma og hve mikil glaðværð hefur ríkt á Alþingi.

Upp komst um mistökin þegar mikið magn kola hóf að berast til Húsavíkur með stærstu kolaskipum jarðar en komið hefur í ljós að liðsmenn Vinstri grænna gáfu mikinn afslátt af mengunarvörnum ásamt skattaívilnunun til valinna Stóriðjufyrirtækja ásamt nýlegum ívilnunum á veiðigjaldi sægreifanna. Ásamt því að í stjórnartíð fyrrum formanns var grunnur lagður að gríðarlegum arðgreiðslum til fárra útvaldra í gegn um endurfjármögnun Sjóvá, SP Kef og fleiri fjármálafyrirtækja sem hafa blóðmjólkað millistétt landins undanfarin ár.

Í ljósi þess að allir stuðningsmennirnir íhuga nú að segja sig úr Vinstri grænum íhugar hreyfingin að skipta um nafn og kalla sig hér eftir “Hægri hreyfingin – svartur kolareykur”.

Verið er að fara yfir upptökur annarra flokka.

Fyrsta skemmd ársins á reiðhjóli vegna HOLU!!!

Fyrsta skemmd ársins á reiðhjóli vegna holu í slitlagi var tilkynnt sl. miðvikudag og kallaði borgarstjóri í kjölfarið út allan tiltækan mannafla í holuviðgerðir.

Í samtali við Gulu Pressuna sagði borgarstjóri að vesalings maðurinn hafi verið að taka sveig framhjá tugum einkabíla sem skildir höfðu verið eftir með ónýt dekk og felgur. Þeir einkabílar höfði ekið í ótilkynntar holur og svoleiðis kæmi borgaryfirvöldum ekkert við.

Reiðhjólaeigandinn fékk samkvæmt venju fyrri ára frítt far með einkabílstjóra borgarstjóra meðan reiðhjólið fær allsherjar yfirhalningu í boði borgarstjórnar.

Vorboðarnir ljúfu virðast horfnir!!!

Hinir svokölluðu hjólreiðahrottar sem sáust fyrst fljótlega eftir fjármálahrunið árið 2008 virðast vera horfnir af götum Höfuðborgarsvæðisins.

Hvarf Hjólreiðahrottanna er talið tengjast rykmengun frá ósópuðu gatnakerfinu og þeim sementslungum sem fylgja innöndun óþrifnaðarins auk tíðra fallslysa á hálum ósópuðum sandbornum hjólreiðastígunum.
Einnig er talið að hættuleg og villandi hönnun umferðarmannvirkja eigi stóran þátt í hvarfi hins týpíska hjólreiðahrotta enda nær ómögulegt fyrir meðal akandi eldriborgara og símglápabílstjóra að varast stjórnlausa hrottana á  flestum nýbyggðu sérhönnuðu gatnamótunum.

Hjólreiðahrottarnir voru yfirleitt skærlitir og sáust best þegar þeir stunduðu stjórnlaust lágflug eftir helstu umferðaræðum.

Hefðbundinn Hrotti

Hjólreiðahrottum þótti líkja til venjulegs reiðhjólafólks en voru þó auðþekktir á skæru litunum, stjórnlausu lágfluginu óháð almennri umferð og bendingum til almennrar umferðar sem þótti líkjast miður kurteislegum merkjasendingum óharðnaðra ungmenna.

Verði einhver var við eintak af vorboðanum ljúfa – hinum kærkomna hjólreiðahrotta er viðkomandi beðinn að taka mynd og senda á ritstjórn.

Þjóðhátíðarandi við opnun Costco.

Húsnæði Costco er nánast fokhelt eftir að kaupóðir Íslendingar keyptu allt sem hönd á festi.

Félagi Costco unnanda er kunn­ugt um að í gær höfðu hvorki lík­ams­árás­ir eða nauðganir verið kærðar til lög­reglu eft­ir opnunina í vikunni þrátt fyrir að innkaupakerrur hefðu meðal annars verið af allt of skornum skammti.

„Þessi fjöldi kæru­mála er sérstakt gleðiefni“ seg­ir í til­kynn­ingu frá félaginu. Í kjöl­far opnunarinnar verður sér­stök­um starfs­hópi falið að fara yfir fram­kvæmd­ina og gera til­lög­ur um hvernig efla megi enn frek­ar ör­yggi í Costco og stuðla að hug­ar­fars­breyt­ingu annarra verslunareigenda.

Félag Costco unnenda hef­ur lagt sér­staka áherslu á for­varn­ir gegn kaupæði og að þessu sinni voru um 1000 manns við ör­ygg­is­gæslu í Kauptúni þegar flest var auk lækn­is, sálfræðinga og hjúkr­un­ar­fræðinga. Þá var starf­andi áfallat­eymi í Kauptúni sem stýrt var af fag­menntuðu starfs­fólki. Til að und­ir­strika áherslu á ör­ygg­is­mál­in var at­höfn á þriðju­dags­kvöld þar sem gest­ir, afgreiðslufólk og annað starfs­fólk Costco sýndu með tákn­ræn­um hætti að stjórnlaust kaupæði er ekki liðið, seg­ir í til­kynn­ingu Costco unnenda.

Auk þeirra fjöl­mörgu viðskiptavina sem komu á opnunina, um 1000 ör­ygg­is­varða lögðu hátt í 20.000 sjálf­boðaliðar Costco unnenda lið við fram­kvæmd opnunarinnar. Félag Costco unnenda þakk­ar öllu þessu góða fólki fyr­ir vel unn­in störf á opnuninni. Hreins­un Kauptúns eftir opnunina gekk vel og var henni að mestu lokið á sunnu­dags­kvöld.

gulapressan.is